Ek en pappa werk in die tuin

Dit was Saterdag so lekker sonskyndag dat ek en pappa besluit het om bietjie in die tuin te werk. Ek was mal daaroor om met my handjies in die grond te speel en ook vir pappa te kyk terwyl hy vreeslik hard werk!

Boksie Blokkies!

Mamma het vir my hierdie oulike "boksie" blokkies gemaak! Een het vorms op, die ander een gesonde kossies en die kleintjie het nommers op. Ek speel so lekker met hulle en hulle proe ook nie te sleg nie!

Somer het sy opwagting gemaak!

Dit lyk of die stoute somer nou uiteindelik sy wegkruiperspeletjie laat staan het en by ons kom kuier het! Jippieeeee!!! Dit beteken ek en mamma kan lekker gaan stap elke oggend. Dit is so heerlik om die voeltjies te hoor sing, die vars lug te ruik en al die diere en mense te sien ontwaak en regmaak vir 'n nuwe dag!

Ek & my pappa speel!

Ek verlang vreeslik na my pappa deur die dag as hy by die werk is... maar gelukkig bel hy my as hy etenstyd het en dan gesels ons 'n hond-uit-'n-bos uit! Dit is so lekker om my pappa te sien in die middag as hy by die huis kom! Ek het 'n gil en 'n hop en dansie wat ek doen as ek my pappa sien! Hy is mal daaroor... en kyk dan SPEEL ons, rol ons, hop ons, stoei ons en lag ons totdat my magie seer is van al die lag!

My 1ste tandjie maak sy verskyning...

My heel eerste tandjie het uiteindelik sy verskyning gemaak, na lang nagte se geswig en sweet om uit die tandkas te ontsnap, slaaplose nagte en Oooo.. baie "teething gel"! Die tandjie is nogal handig op mens se ontdekkings reise.. veral as jy iets moet uittoets, om uit te vind wat dit is.. soos om dit te byt of te proe ens. Ek moet ook net noem.. ek weet ook nou hoe proe my kot, hy is hard en ek het besluit hy proe nie so lekker nie, daarom is hy seker gemaak om in te slaap en nie om te eet nie! Die tandjie verskaf my ook baie pret.. soos as ek mamma se vinger byt.. dan trek sy sulke snaakse gesiggies! Baie snaaks.. hie hie hieee...

Blomme..meisie..

Dit was vandag 'n heerlike sonskyndag! Mamma en ek het lekker in die tuin gespeel.. Pappa se blommetjies is sooo mooi! Ek kan nie wag vir die somer nie, dan kan ek elke dag in die tuin speel!

My ontdekkingsreis in die kombuis...hoofstuk 2

Ek het vanoggend opgestaan met 'n wonderlike gevoel in my hart, dat ek vandag, iets asemrowend gaan ontdek.. hier op my ontdekkings reis in die kombuis!

Winter-reënwater-warm P*A*N*N*E*K*O*E*K!

MMmmmmm...yum..yum.... Mamma het vir my en pappa Vrydagaand bederf met die heelikste pannekoek! Dit het die heeldag gereën en dit was nogal koud.. Pappa sê dit was 'n perfekte Pannekoekdag! Dit was die heel eerste
keer in my hele lewe dat ek dit geproe het! En sjoe, was dit nou lekker! My ma is ook maar stief met my, dat sy my nou eers aan die lekker kos voorstel! Maar toemaar, nou weet ek hoe lekker dit is en gaan nou ELKE Vrydag vir pannekoek vra!

My ontdekkingsreis in die kombuis...'n vervolg verhaal!

Wors-maak wat so lekker smaak!

Die hele kontrei het saam met ons kom wors maak. Hier was lekker baie maatjies om mee te speel, en die grootmense het wors gemaak. Hulle het maar hulle tyd gevat hoor.... maar die wag was die moeite werd.. toe ek uiteindelik my ou stukkie wors kry was dit tjoef tjaf en weg is die hele worsie..

Mamma se snotneusie..

Ek is al van Sondag af siek.. snotneusie en hoes en proes en wil nie slaap nie! Dis glad nie lekker om so siek te wees nie! En die medisyne is blerrie sleg! Die een voordeel van siek wees, is dat ek by mamma & pappa in hulle bed kan slaap!

Die Stokkielekker storietjie...