Eks vandag 2 jaar oud!!!!!!!

Ek is aangenaam verras, toe ek vanoggend my ogies oopmaak staan daar so-wrintie-waar 'n splinternuwe Groot fiets! Ek is sooo bly, aangesien ek nou die fietsry-ding onder die knie het.. Ons het vanmiddag na ouma Gerda se kinderparadys gegaan om daar my partytjie te hou! Sjoe, maar dit was lekker om weer met al die duisende speelgoed te speel! Mamma het ook vir my die beste koek ooit gegee... ROOMYSKOEK! En daar was baie lekker en chippies en koeldrank ook! My maatjies, Emma, Holly, Tain, Ruben, Adrian, Ben & Jacques was ook daar! Ek dink dit was die beste partytjie ooit! Wens ek kan elke dag verjaar!!!

Ons huise AFTER..maar nogsteeds 'n work-in-progress...

Na lang ure en baie harde werk.. en baie hulp van FANTASTIESE vriende..

Ons huisie.. BEFORE ...

En toe begin die werk!!! Die geel en blou kamer is die spaarkamer, die bloukamer Tahnay se kamer en dan die hoofslaapkamer... Die tvkamer het die kaggel en lelike bruin mat!

Ek en my kar bereik hoër hoogtes...

Ek het gedink dit sal nogal heel interesant wees om te sien of my karretjie op ons eetkamertafel ook so lekker ry..En ja, behalwe dat my remme oortyd werk.. is hy nogal vinnig...0-100 in 1 sekonde! Weet net nie of mamma se hart dit gaan hou nie!

Boudjiesalf smaak glad nie so lekker nie!

Hoe lekker lees ek... sit.. sit.. soo!

Ek het ontdek dat ek nogsteeds in my Bumbo stoeltjie pas en gebruik hom nou om op alles te sit. Hy werk lekker om op die groot banke te sit ..en heerlik boek te lees... aahhh... die vreugde ..die voordeel van klein boudjies!!

Myne, myne..myne liefste kar!

My liefste tannie Gerda, (by wie ek bly as mamma gaan werk) het vir my, my gunsteling karretjie geleen om bietjie hier by mamma en pappa te kom "af show"...Ooohhhh ek het sooo lekker gespeel, dit het vreeslik baie gereen, so mamma het vir my 'n padjie in die motorhuis geteken en vir my padtekens gemaak. Dit was 'n vreeslike besige dag.. ek moes heen en weer ry om vir Bobby by die skool te gaan haal, en goedjies in die dorp gaan koop... en intussen het mamma en pappa my elke nou en dan gepla op my selfoon.. ai, weet hulle nou nog nie mens mag nie bestuur en op jou selfoon praat nie!!!

Wat?? Afrika toe???

Mamma: "Tahnaytjie, raai wat? Ons gaan Suid-Afrika

toe om vir al jou nefies, niggies, ooms, tannies en ouma te gaan kuier!!! "

Tahnay: "Sjoe, regtig mamma.. daar waar al die wilde diere bly.. soos die leeus?"

Mamma:"Ja my skat.. die olifante, leeus, renosters ..

Tahnay:"mmmm..laat ek gou dink.... Waneer pak ons mamma????"

Mamma: "Eers oor 'n paar slapies.. ons moet nog eers in ons nuwe huisie in trek en daarna gaan ons."

Tahnay:"Jippeeeeee ek kan nie meer wag nie!!... "

Mamma: "Dis darem iets baie lekker om na uit te sien ne.. jy beter saam met mamma

die dae op die kalender af merk."

Tahnay: "Mmmm.. wonder of dit meer as 2 dae is.. ek kan altemit nog net tot 2 tel!"

Ek stel bekend.. Mevrou Poggenpoel!

Lekkerrrr Groentesop.. my gunsteling!

Ek is mal oor die winter.. want dan maak mamma vir ons heerlike groentesop!

My nuwe haarstyl!

Stoffel die stofsuier!

Stoffel die stofsuier was eens op 'n tyd vir my iets uit 'n riller.. maar..

nou dat ek bietjie groter is, en gesien het wat mamma doen, weet ek

hy suig eintlik net stoffies en goedjies op!!

PS: Hy bestuur nogal lekker..

4 Noodsaaklike stappe vir 'n genotvolle motorrit!

Ek is mal daaroor om so bietjie elke dag in mamma se motor te "oefenbestuur"....(wel, ek was, totdat die motor se battery pap geword het)....

Ek en my Boks-em-bende .. huisie!

My pappa het vir my 'n huisie gebou uit 'n BOKS! Ja, oulik oukie ne.. Hy het 'n dak, 1 venster en 'n voordeur! Mamma het hom toe skelmpies (terwyl ek eendag my middag slaapie geneem het).. onderhande gehad en hom bietjie op gezoesh! Ek speel baie lekker in my huisie, veral as my maatjies kom kuier.. Dankie pappa. jy's die BESTE!!!

Hiers net Wilde Katte hier in ons huis!

Hierdie video het mamma lank terug geneem.. ek dink in Maart of so.. maar net vergeet om hom op my blog te sit.. Ek hoor die geluid wat katte maak klink so iets....

Bo-la-ma-kie-sie!

Ek wat Tahnay is het uitgevind my lyfie kan lekker buig en as ek my kop in trek en my vingertjies my tone raak dan kan ek om rol!!!! Mamma noem dit iets soos.. bolamakiesie.. of iets! Eks mal daaroor.. lekker om te doen as jy verveeld is!

Mmmm...mmmm...**MeLkieS**!!!

Leeus eet lekkerrrrrrrr!!!

My ouma Anita het vir my die oulikste LEEU vurkie en lepeltjie uit Afrika gestuur! Die vurkie eet ek baie lekker pasta mee.. en die lepeltjie.. sjoe, hy werk die beste vir Roomys***

Ek is so mal oor hulle dat ek weier om met enige ander eetgery te eet!!

Vakansie .. Deel 2!

Ons het so baie nuwe plekkies gesien en ontdek! Ons het by Taupo die Volkaniese Sentrum , die Huka Falls en die Huka Prawn Farm besoek.. mmm.. die prawns was yummy! Toe is ons na oupa toe in Hawkes Bay, daar het ons Te Mata Peak, Mission & Church Road Winery en Napier besoek.. ons het by 'n restaurantjie op die strand die lekkerste vis geeet! Van daar af het ons by tannie Ina in Wellington gaan kuier. Sy het ons soveel mooi goedjies gaan wys en ons het die lekkerste sushi daar geeet, maar ek was die MALSTE oor haar katte!!! Ons het so lekker gespeel! Toe is ons sneeu toe by Mt Ruapehu, daar was die oulikste houttrok waarmee ek gespeel het.. en tannie Miem my in rond gestoot het. Ons het ook by 'n piepklein dorpie genaamd BULLS gestop.. alles daar was net Bulls.. al hulle bordaanwysings het iets te doen gehad met 'n BULL... soos die groente winkel se naam was VEGET-A-BULL... ons het ook by Otohoranga gestop om na die KIWI's te gaan kyk.. Dit was die beste vakansie ooit! Die geryery was bietjie lank.. maar ek is altyd vergoed met 'n heerlike TIMTAM koekie, of ietsie lekkers!

My lekker vakansie saam met tannie Miems.. deel 1

My tannie Miems en oom Dawie het vir ons kom kuier uit Afrika. Dit was so lekker.. ons het baie rondgery, en nuwe plekkies gesien.. en ooohhh maar hulle het my bederf. Een van die plekke wat ons besoek het was Paunui, by die see. Daar was so baie om te doen! Ek, mamma en tannie Miems het fiets gery (ek op so oulike stoeltjie agterop mamma se fiets), en daar was ook my eie "groot" fiets wat ek alleen op kon ry. Dit was so lekker om op die strand te speel, en die see water was nie eers so koud nie! Pappa en oom Dawie het gekayak.. en pappa het my ook 'n beurt gegee! Maar ek dink die heel lekkerste was badtyd... daar was net 'n stort.. daarom het ek in die wasbak gebad.. ek was MAL daaroor!

Vliegtuie!

Ek en mamma & pappa het nou die dag bietjie gaan vlieg! Wel, pappa het regtig egtig gevlieg, en ek en mamma het gespeel-speel vlieg! Dit was baie interresant om al die verskillende soorte vliegtuie te sien! Hulle vlieg darem maar baie hoog in die lug! Lyk bietjie vir my soos groot ystervoels wat baie hard raas!

Parkie toe Paas Vrydag!

Ons was tog lekker parkie toe Vrydag! Dit was sooo lekker, pappa en mamma het saam met my bal gespeel, en ek het op alles by die parkie gery! Die swaai, wipplank en glyplank! Dit was hope pret! Hoop ons kan gou weer gaan!

Uitstappies met my baba...

Oeeee...maar ek is baie lief vir my nuwe baba! Ek het so lank vir my baba gewag.. ek's seker dit was 9 maande! Tannie Senta het hom spesiaal met 'n skip vir my gestuur! My baba het my vertel dit was baie donker en koud op die skip, maar sy is nou oor alles.. ek vat haar elke dag om so bietjie te gaan stap.. in haar stootwaentjie.. sodat sy bietjie son kry en lekker vars lug!

PAASFEES.. paashaas en tjokliteiers!

Reuse ballonne net waar jy kyk!!!

Ons het Saterdagoggend baie vroeg opgestaan om Hamilton Lake toe te gaan. Daar aangekom het ek, mamma & pappa bietjie langs die Lake gaan stap. Ek het baie ganse en eende gesien.. en wou sommer aan hulle vat en optel, maar hulle wou nie.. snaakse goed! Toe vat die 2tjies my na 'n oop stuk veld waar ek toe die grootste, reuse ballon wat ek nog in my lewe teegekom het sien! Sjoe, ek het soos 'n miggie teen die ballon gelyk... En raai wat... daar was nie net een nie, nee, daar was so baie soos al my vingertjies aan altwee my hande! En hulle was almal verskillende kleure en vorms! Ek kon nie ophou kyk nie.. my nek was naderhand baie seer van al die opkyk, maar sjoe dit was soooo mooi! Ek wens ek kan eendag binne een van hulle ry! Dit was 'n baie baie baie lekker dag!

Ek en Bobby hou 'n teepartytjie!

Ek en Bobby het vanmiddag 'n teepartytjie gehou! Sjoe, maar dit was lekker! Te danke aan oupa-hulle het ek nou 'n oulike tafeltjie en stoeltjies waarop ek kan sit en teken, eet en teepartytjies hou! Mamma het my mooi geleer hoe om die tee te maak, dan te skink en melk en suiker by te gooi! Ek dink Bobby het dit ook geniet.. maar hy wou niks eet of drink nie... ek moes al sy koekies ook eet... shame.... seker nie lekker gevoel nie!

My 15 maande besoek aan tannie-Plunket en die tannie met die groot NAALD!

Ek was vandag by tannie verpleegster by ons dokters se spreekkamers! Dit was weer tyd dat ek vir haar en die tannie by Plunket gaan kuier. Eers het die Plunket-tannie my geweeg en toe gemeet en ook baie komplimente gegee.. goedjies soos, hoe oulik en slim en mooi dogtertjie ek is!! Ek weeg nou 10.25kg en is 80cm lank! Ek groei so mooi, niks van my wintersklere pas eers meer nie.. dit wil gedoen wees ne!

Toe was dit tyd vir die kuier by die verpleegster.. ek hou nie van haar nie want sy het my al weer 3 keer met 'n naald gesteek! Mamma het my vertel hoekom sy dit doen, maar ek verstaan nogsteeds nie... as sy dan so slim is om te weet waar om my met die naald te steek..kan sy dan nie 'n ander manier uit dink om vir my die medisyne te gee nie??? Miskien soos mamma.. met 'n lepeltjie nie??

Oppi potti!

Mamma en die geleerdes reken ek moet solank gewoond raak aan die soort van ding....

Ek laaik my 2NOMMERS-TE-GROOT boots sommer BAIE!

Oooeee, eks mal oor die boots! My gunsteling kleur en al!
Yeah! Nou kan ek hulle aantrek as ek en pappa in die tuin werk!

Het ek darem nie die mooiste ou gesiggie nie?

Wat? Kannie wees nie mamma, hierdie boots is nommerpas!

Laat ek net vir mamma wys.. " These boots are made for

Walking.. and that's just what they'll do!"

My partner in CRIME!

Ek en my perd, my blink-vos-perd!

Ek is mal oor my Perd! Ek ry elke dag ten minste 10 km! My pappa dink Poon is die beste, goedkoopste perd ooit, want hy hoef nie in 'n stal te bly nie, ook nie kos te kry nie en ook nie geroskam te word nie! Hoop nie hy dink dit gaan dieselfde storie met my REGTE perd eendag wees nie!

Ek BEMEESTER my Blik-en-lepeltjie-speletjie

My girl Lollipop. ...te de te te!

My mamma het tog vir my die yummieste ys lollies gemaak! Dis darem lekker poeding as ek my kossies als opgeeet het! Wat ek deesdae glad nie 'n probleem mee het nie!

Bobby kry wiele!

Tannie Heste, mamma se vriendin het vir my en Bobby die stootwaentjie gegee! Kyk, Bobby gaan nou vooruit in die lewe! Nou kan Bobby saam met my op ontdekkingsreise gaan.. hy is mal daaroor!

Sy het ook vir my die mooiste feetjie handsakkie gemaak! Dankie tannie, ek is mal daaroor! Ek pak nou lekker "snackies" vir my en Bobby in hom as ons op reis is!

My 1ste skool dag - 15 Februarie 2010

Ons maak reg vir die GROOTDAG, en neem gou 'n foto voor ontbyt!

My skooltas! (My ouma Bets het hom vir my gekoop!)

My eerste kunswerkie wat ek vir mamma & pappa by die skool gemaak het!

Terug van die skool af! Sjoe, ek was so moeg! Maar dit was baie lekker!

Swem.. vissie.. swem

Mamma het my so paar keer na die GROOT swembad hier in Cambridge gevat! Ek is soo mal oor swem.. veral onderwater! Ek is net so gek oor my Handdoek ook!

Jipppieeee!!!!!

Ek het vandag die beste nuus ooit gekry! Mamma het my vertel my tannie Miems en oom Dawie van AFRIKA, kom vir ons kuier in Mei.. nou dit klink vir my maar nog ver.... maar mamma reken dis nie sooo lank nie! Ek kan nie wag nie, ek gaan hulle verseker OP speel! Hoop hulle bring RED BULL saam!

Jipppieeee!!!!!

Werk...maak jou sterk.. Rus laat jou Roes!

Ek kry elke dag 'n beurt om op die rekenaar te werk. Kyk ek moet my storie ken, want ek't ook net 2 minute dan jaag mamma my af! Ook maar lekker selfsugtig, hoe moet ek dan nou als gedoen kry in so kort tydjie!

Rain drops are falling on my head... la la .. la .. la

Dit het vandag vreeslik gereen! Mamma en pappa was besig om kos te maak, toe ek besluit om te gaan kennis maak met die reen... Dit was so lekker om al die druppeltjies teen my wang te voel! Ek is 'n WARE kiwi.. glad nie bang om nat te word nie!

My "natuurlike" bad!

Dit was so lekker warm vandag, mamma het besluit ek kan maar Buite Bad! Ooh maar dit was nou vir jou lekker!

Ek eksperimenteer bietjie met mamma se lipstiffie...

Mamma was darem nie kwaad nie, sy het net vir haar ook lipstiffie aangesit en my vol rooi lippe gesoen!